NBA: Westbrook may '90% chance' na makamit ang triple-double average

According to ESPN.com, Russell Westbrook has a 90% chance to finish the season averaging a triple-double. Mark D. Smith, USA Today Sports/Reuters

Tinala ni Russell Westbrook ang ika-33 na triple-double (25 points, 19 assists, 12 rebounds) niya ngayong season nang talunin ng Oklahoma City Thunder ang Brooklyn Nets 122-104 nitong Martes (Miyerkules, oras sa Manila).

Sa kasalukuyan, kailangan na lang ni Westbrook makapagtala ng 132 assists at 113 rebounds sa nalalabing 15 na laro ng Thunder upang makamit ang isa sa mga inaakalang hindi na maaabot na NBA feats — ang maka-average ng triple double sa isang season.

Ayon kay Kevin Pelton ng ESPN.com, may 90% chance na ma-achieve ni Westbrook ang di-pangkaraniwang mga averages.

Huling nangyari ito 55 taon na ang nakakaraan. Tinapos ni Oscar Robertson, a.k.a. "Big O," ang 1961-62 season na may mga numerong 30.8 points, 12.5 rebounds at 11.4 assists.

Sa parehong season, kumolekta ng 41 triple doubles si Robertson, na maaaring ma-break ni Westbrook.

— Statistics courtesy of NBA.com

(For more sports coverage, visit the ABS-CBN Sports website.)

Source : news[dot]abs-cbn[dot]com